BENSA SIRA VS MALISAN SIRA

 

BENSA VS MALISAN

 

TUIR MAI IHA BENSA ba sarani nebe halo tuir Maromak Nia ukun fuan sanulu no regulamentu sira no MALISAN ba ema nebe lakohi rona no halo tuir Maromak nia ukunfuan no regulamento sira.

 

Deuteronimo 28

Bensa sira- ¹”O rona karik nai o nia Maromak Nia lian hodi buka atu kumpri Ninia ukunfuan sira hotu, nebe ohin hau hato’o ba o, Nai o nia Maromak sei halo o sai boot liu fali povo sira iha rai. ² Bensa sira ne’e sei tun ba o, hodi hela ho o, bainhira o rona Nai nia lia. ³ O sei hetan bensa iha cidade no mos iha to’os sira, ⁴ Rahun diak ba o knotak nia fuan, ba o produto to’os sira, rahun daik ba o nia animal sira, o krau oan sira no bibi oan sira.  ⁵ Rahun diak ba o raga, no o ai balun.  ⁶  Rahun diak bainhira o tama no rahun diak bainhira o sai. ⁷ Nai sei saran o ba funu baluk sira, nebe sei hamrik hasoru o; sira mai hasoru o, liu husi dalan ida, sira sei halai husi o liu husi dalan hitu. ⁸ Nai sei halo bensa hela metin o armajein sira, no iha o servisu  sira. Sei fo bensa ba iha rai nebe o nia Nai Maromak sei haruka ba o.

⁹ Nai sei harii o ba Nia Aan, nundar povo santu, nudar Nia jura tiha ba o, enkuantu o halo tuir Nai o nia Maromak ni ukun fuan sira hodi la’o tuir ninia dalan sira. ¹⁰  Hare tiha o, temi Nai Nia naran, povo sira hotu iha rai sei tauk ba o.

¹¹ Nai sei hauain o isin nia fuan, o balada no o rai nia fuan, iha rai nebe Nai jura ona ba o nia aman sira atu fo ba o. ¹² Nai sei loke ba o ninia tesoreiru murak: Lalehan sei halo udan tun ba rai iha tempo los no atu fo bensa ba o nia servisu sira hotu. Rai barak sei empresta husi o, maibe o sei la empresta husi sira.

¹³ Nai sei tau o iha fatin dahuluk, laos iha fatin ikus, o sei hamrik iha fatin as liu nunka iha kraik, enkuantu o sei kumpri tuir Nai o nia Maromak, nia ukun fuan sira nebe ohin hau haruka o halo, ¹⁴ hodi la dezvia ba sorin los eh karuk, husi liafuan nebe ohin hau hato’o ba o, ka hodi tuir no adora maromak sira seluk ”.

Malisan sira-  ¹⁵ “Maibe o la rona karik Nai o nia Maromak Nia lian, la halo tuir karik Ninia ukun fuan no preseitu sira hotu  nebe ohin hau hato’o ba o, malisan sira ne’e hotu sei monu tun ba o no sei hela ho o. ¹⁶ O sei hetan malisan iha sidadi, o sei hetan malisan iha to’os sira ¹⁷ Malisan ba o raga no o armajein ¹⁸ malisan ba knotak nia fuan no ba o rai nia fuan, malisan ba animal sira o krau-oan sira no ba o bibi-oan sira. ¹⁹ Malisan bainhira o tama ba uma no bainhira o sai ba liur.

²⁰ Maromak sei hatun malisan, deshgrasa no ruina ba buat hotu nebe o sei kaer (ba servisu hotu nebe atu halo), too o sei lakon monhu lalais, tamba o sala sira tamba o husik tiha Nia. ²¹ Nai sei haruka moras peste ba o, to’o halakon o husi rai nebe imi sei tama atu okupa. ²² Nai sei kastigu o ho isin manas , mear maran, bubun,  isin manas be doko, laran sae,  isin kamutis, nebe sei duni o too o mohu (moras influensa=korona) ²³ Lalehan iha o ulun leten sei sai riti, no rai iha o rai okos sei sai besi, ²⁴ Nai sei muda udan iha o rai (climate change/mudansa klima agora dadauk), ba ahi kadesan no rai rahun nebe sei tun ba o husi leten as ba, to’o o lakon mohu.

²⁵ Nai sei halo o lakon funu hasoru funu baluk sira. O sei ba karik hasoru sira liu husi dalan ida,  o sei halai husi sira liu husi dalan hitu, no reino hotu iha rai sei hamoe o. ²⁶ O isin maten sei sai hahan ba manu sira iha Lalehan no balada sira iha rai, ema ida sei la book sira.

²⁷ Nai sei baku o ho fisur sira ejistu nia, kabun kanek (stomag kanek)  no kulit katar nebe sei labele kura (lepra, kudis, cacar, herpez etc) , ²⁸ Nai sei halo o sai bulak, matan delek, no lakon hanoin. ²⁹ O sei la’o ho ai tonka hanesan matan delek iha nakukun, sei la hare dalan, ema sei hanehan no hadau o, sei la iha ema ida atu soi o. ³⁰ O sei kaben ho feto ida maibe ema seluk mak sei toba ho nia, o sei hari uma ida no o sei la hela iha nia; Sei kuda videira sira no sei la ku’u uvas fuan ³¹ Ema sei oho o nia karau aman iha o nia oin, no o sei lahan nia naan; ema sei naok o nia kuda burno sei la fo fali,  ema sei entrega o nia bibi sira ba o nia funu baluk sira, laiha ema ida atu mai soi o.

³² O oan mane no oan feto sei monu ba estranjeiru sira liman, o sei hare deit ho matan ; o hanoin los sira lor-loron, maibe sei la halo buat ida; ³³ No povo ida be o la konhese sei han mohu o nia produtu sira, no resultadu husi o nia servisu sira, sira sei hanehan no hasusar o lor-loron deit.  ³⁴ Ikus mai o sei sai bulak ba buat hotu nebe o matan rasik hare. ³⁵ Nai sei baku o ho kanek aat sira iha aintur, kanek aat husi ulun tutun to’o ain okos.

³⁶ Nai sei lori o ho liurai nebe o hili ba rai nebe o la konhese no mos o nia beiala sira la konhece. Iha neba o sei servi maromak sira seluk, nebe mesak ai no fatuk deit. ³⁷ O sei halo ema hakfodak, hamnasa no temi let o naran, ih povo hotu, iha nebe Nai sei soe o ba.

³⁸ O sei kari fini barak loos iha o toos, maibe sei kuu oituan deit, basa kafainutu sira sei han mohu hotu,  ³⁹ O sei kuda no hakiak uvas iha toos, maibe sei la hemu no halot tua, basa bixu (ular oan) sei han hotu.

⁴⁰ O sei kuda ai liveira iha rai tomak, maibe o sei la kose o ulun ho mina, basa azeitona sei monu maran deit. ⁴¹ O sei hakiak oan mane no oan feto sira maibe sira sei husik o, basa sira ba dadur iha desteru. ⁴² O nia ai horis sira no o nia produsaun lokal iha toos sira, grupu boot kafainutu nia sei han mohu.

⁴³ Ema fuik nebe hela iha imi leet sei sai boot ba bebeik, o fali sei monu tun ba bebeik. ⁴⁴ Sira sei fo empresta ba o, maibe o sei la fo empresta ba sira. Sira sei sai boot liu fali o, o sei sai kiik liu fali sira, sira sei hola fali fatin uluk, o fali fatin ikus.

⁴⁵ Malisan sira nee hotu sei monu ba o, sei duni o no sei hela ho o, to,o o mohu lakon. Tamba o la rona tiha Nai o Nia Maromak nia lian no la kumpri tuir ukunfuan sira no regulamentu  sira nebe Nia hato’o ba o. ⁴⁶ Buat hirak nee sei akontese ba o, ba o oan no bei oan sira nundr sinal no avizu ba nafatin.