EMA NEBE MAROMAK HADOMI, MAROMAK KASTIGU

 

Domin husi inan aman nebe hatudu ba nia oan sira maka liu husi protesaun moris husi ki’ik to’o idade maduru, kontrola, fo han-hemu, hatais, eduka orienta no korigi sira to’o baku  wainhira sira halo sala.

Aman nebe hadomi nia oan, sempre fo hanoin, fo hanorin atu moris lolos tuir regras no ukun bandu. labele kleuk ba sorin los ka kleuk basorin karuk, atu nia future nakonu ho bensa. Lakohi oan sira moris iha terus laran.

Oan nebe halo sala, moris livremente sem regras  maibe aman la hase, la korigi, la baku ka la kastigu, laiha domin ba nia, hatudu katak nee laos oan.

Nune mos ita nebe fiar iha Maromak, ita nia aman kriador katak Nia sempre hadomi ita. Ita sente Aman Maromak Nia domin liu husi protesaun divinu, haraik aihan lor-loron, iss moris, haraik pas dame, ksolok. Nia hadomi ita oan sira atu ita moris banati tuir nia lalaok. Nia prepara  ukun bandu mak dez mandamentu atu ita kaer metin hodi moris tuir, ho nune maka ita hetan buat diak iha moris no hetan moris rohan laek iha loron ikus.

Job 5:17-18 “ Ksolok ba ema neʼebé Maromak fo dixiplina, tan             neʼe, keta fila kotuk ba dixiplina husi Ida neebe                     kbiit boot liu hotu!. Tanba Nia mak halo moras,              maibe Nia rasik sei falun kanek neʼe, Nia mak            harahun, maibé Nia sei kura ho Ninia liman rasik.

Yesaya 48: 18 “ Haʼu hakarak atu imi halo tuir Haʼu Nia mandamentu sira!Se imi halo nuneʼe, imi-nia dame sei sai hanesan motahNo imi-nia hahalok loos sei sai hanesan tasi nia laloran.”