OINSA ATU MANAN TENTASAUN SIRA HUSI DIABU?
KONTRA PEKADU MORTAL
Primeiru ita presisa konhece se mak diabu
"Naʼok-teen mai para atu naʼok, oho no estraga. Maibe Haʼu mai atu sira bele iha moris no hetan moris naresin"
João 10:10
Husi versikulu João 10:10 Ita hatene ona katak diabu ne’e naokten tuir Jesus hateten.
Diabu nia missaun atu na’ok, oho no estraga
Na’ok= Hadau ema nia moris nebe diak fila ba moris aat tuir nia hakarak, ikus ba hamutuk ho nia iha inferno.
Oho= Tenta ema/babeur ema monu ba sala, ikus hetan kastigu, moras, mate sedu
Estraga= nia buka babeur ema monu ba sala oioin, ikus ema lakon valor moris. Ema riku sai ema kiak, kargu diak, sai lakon kargu ka posisaun, vida saudavel sai ema moras atan, moris nebe nakonu ho dame, hakmatek sai lakon dame, nakonu ho problema; Familia nebe unidos sai lakon unidade. Fen la’en nebe hadomi malu sai soe malu ka hafahe malu; Doben nebe hadomi los, halai buka seluk, iha odio ba malu, estraga malu, estraga ema nia sasan no aat sira seluk.
Saida deit diabu halo atu hamonu ita ema ba sala?
Pedro 5:8 “Matan-moris, neon nain ba! Imi-nia inimigu, Diabu, laʼo ba mai hanesan leaun ida nebe hasai lian makaʼas, buka atu han ema”
Ita nia inimigu diabu tur la hakmatek, nia sempre lacak ka buka deskobre ita ema nia frakueza, ita nia hakarak aat, gostu aat sira. Depois de descobre ona, hahu prepara nia planu oinsa lasu ita, dudu ita atu realiza ita nia hakarak aat sira, gostu aat sira. Nia sei oferese mai ita buat hotu nebe ita nia nia fuan hakarak nebe la tuir Maromak Nia hakarak, ita nia gostu aat nebe kontra Maromak Nia ukunfuan nebe konsekuensia lori terus, lori susar, lori mate.
Tiago 1:14-15 "Maibe ema ida idak hetan koko liuhusi ninia hakarak rasik nebe dada nia no tenta nia. Tuirmai kuandu hakarak neʼe sai buras ona/realiza ona, neʼe hamosu ona sala, no kuandu halo ona sala, neʼe sei lori ba mate."
Ema fiar nain ka ema la fiar nain hotu hotu hetan koko. Maibe ema nebe la hakbesik Maromak, moris dook los husi Maromak, la konhese lialos, sira mak sai liu hahan diak ba diabu. Sira livre monu ba sala, fasil monu ba lasu diabu nia tanba labele halo disceramentu ka tetu didiak Maromak nia hakrak lolos ho ema nia hakarak, labele halo diferensa entre dalan los no dalan aat.
Loron ba loron ema wain ba wain lakon vida ka mate sedu maioria ho idade nebe que sei nurak seidauk tempu lolos atu fila, kausa husi sala nebe lori moras, lori mate tan deit labele tahan hasoru hakarak at sira, lahatene oinsa atu kontra tetasaun sira mai husi espiritu at diabu nia .
Sala boot 7 mai husi espiritu aat 7 diabu nia
1. Lucifer (Kesombongan) arrogante
Hahalok foti aan, ko’alia foti aan, buka hatun ema, halo sala maibe sente haksolok, la presisa Maromak, la obedese ba Maromak, tama kategoria sala boot
2. Mammon (Ketamakan) kanten ba riku soin
Hahalok kanten atu halibur riku soin wain ba nia an mesak, iha ambisaun makas atu sai riku ho maneiras negativus hanesan korupsi, na’ok, lohi. Lakohi fahe bensaun ba maluk seluk, rai ba nia an mesak, iha ambisaun atu lori poder, ambisaun makas atu hetan kargu diak mesmu nia la merese. Iha karakter monopoli. Laiha sentiment agradese. Hahalok nee mai husi espiritu at Mammon.
3. Leviathan (Iri hati) laran moras
Laran moras tama kategoria sala boot. Liu husi laran moras ema bele hanoin aat ba malu, hatun malu, estraga malu no hahalok aat seluk nebe lori ba sala. laran moras mai husi espiritu at hanaran Leviathan
4. Satan/Amon (Murka/Amarah) emosaun makas, hirus
Hirus mos sala ida nebe Maromak bandu. Hahalok hirus hanesan hakilar maluk, tolok maluk, fo malisan ba malu, baku malu, hahalok brutalismu hodi estraga sasan mai husi esperitu aat Amon. Se ema ida monu ona ba sala ne,e, nia sei la livre husi kastigu. Jesus hateten se deit mak hirus nia maluk sei hetan kastigu
5. Asmodeus (Nafsu) sala foer/adulteriu
Sala foer/sala adulterio hanesan selingkuh, hare pornografia, koalia liafuan foer, historia foer, halo masturbasaun ka onani, no mos gosta fihir maluk sira ebe iha oin bonita- bonito lori ba hanoin foer, hakarak los atu iha relasaun ho ema ne’e, sira nee tama kategori sala boot mai husi espiritu at hanaran Asmodeus.
6. Beelzebub (Kerakusan) kanten, han boot
Han boot, han barak, hakarak han mesak, lakohi fahe, tama sala boot. Hahalok ne’e mai husi espiritu at hanaran Beelzebub
7. Belphegor (Kemalasan) barukten
Baruk ten mos tama kategoria sala boot. Baruk sei la lori mudansa iha moris, la sai bensaun ba maluk sira. Hahalok barukten sai benalu ka sai naha todan ba familia no maluk sira nebe hela ba. Halo susar no fo todan ba maluk seluk. Liu husi baruk, ema hanoin atu hetan lukru deit liu husi ema seluk nia kosar ben. liu husi baruk, sei mosu hanoin atu hetan diak deit sem esforsu. Hahalok nee mai husi espiritu at hanaran belhegor.
Oinsa atu manan tentasaun sira, hakarak at sira, gostu at sira mai husi espiritu at diabu nia?
Chave princapl ba ema fiar nain
1. Liu husi orasaun
Bebeik halo orasaun atu labele monu ba tentasaun sira, labele monu ba lasu sira
Mat 26:41 “Matan-moris neon nain ba no harohan beibeik, atu nuneʼe imi labele monu ba tentasaun. Esperito forte, maibe isin fraku”.
I Cor 10:12 “Tan neʼe, ema nebe hanoin katak nia hamriik metin, kuidadu ba atu la monu.”
2. Le Biblia
Diabu hamtauk ema nebe kaer metin ba lialos. Kaer metin Maromak Nia liafuan sagradu nebe sai kilat musan kontra diabu.
Jesus kontra tentasaun diabu nia iha desertu ho versikulu biblia nia
Lukas 4:4 “Hakerek nanis ona ema moris la’os husi paun deit maibe husi Maromak Nia liafuan sai husi Nia ibun “
Lukas 4:8; "Hakerek nanis ona, o tenke adora deit Nai o nia Maromak"
Lukas 4:12; "Hakerek nanis ona: ‘Imi labele koko Nai imi-nia Maromak”
Ikus diabu diabu lakon hodi hein tempu seluk.
Ita fiar nain iha obrigatoriu uza liafuan sagradu Maromak Nia hodi kontra hasoru tentasaun sira nebe mosu iha hanoin, mosu iha hare. Hodi lialos Biblia nia, ita sei manan buat hotu.
3. Utiliza Jesus Nia ran santu
Kansela hakrak at sira, desju negative sira ho Jesus nia ran santu. Kansela diabu nia planu aat sira tama iha ita fuan ho ho Jesus nia ran santu.
“ Hodi Jesus Nia ran santu hau kansela no nega .........tentasaun ida nee sei la akontese iha hau/ hakarak aat ne’e sei la akontese”
4. Halo discerementu no jezum
Presisa hakmatek hodi tetu didi’ak Maromak nia hakarak lolos no ita hakarak atu labele hamosu sala. Presisa halo reflexaun didiak antes foti desisaun ruma.
Maromak proteje ita hotu tuir salmu 91
Amen
#espirituaat
#rohjahat
#firmantuhan
#iblish
Komentar
Posting Komentar