TEBES KA EMA KRISTAUN HOTU SEI TAMA LALEHAN?

 

SERA QUE EMA KRISTAUN HOTU-HOTU TAMA MAROMAK NIA HAKMATEK FATIN LALEHAN?

Resposta : Lae

Entaun Ita tenke halo sa, atu tama Maromak nia fatin santu lalehan hodi moris haksolok hamutuk ho santu-santa no anju sira ba nafatin?

Jesus hateten ba Nicodemos Joao 3:3 “ Tebes Haʼu hateten loloos ba o, se ema ida la moris fali, nia                                                                       labele haree Maromak nia reinu”

Nicodemos hatan : "Oinsa mak ema ida bele moris dala ida tan kuandu nia sai katuas                                   ona? Nia tenke tama fali ba ninia inan nia knotak ba dala rua no                                     moris dala ida tan?”

Jesus hatan : Joao 3:5-6 "Tebes haʼu hatete loloos ba o, se ema ida la moris husi bee no                               Maromak nia espíritu, nia labele tama ba Maromak nia Ukun.  Buat nebe                          moris husi isin mak isin nian, no buat nebe moris husi Maromak nia                              espiritu mak lalehan nian".

Moris tuir isin nia hakarak lori ba mate rohan laek, maibe se ema ida moris tuir Maromak nia espiritu, sei lori ba moris rohan laek.

Isin nia hakarak:.

 Galatia 5:19-21

Hahalok isin nia:

"Hahalok isin nia sai lolos duni, neʼe mak sala seksuál, hahalok la moos, halo hahalok aat toʼo la sente moe, 20 adora falsu, halo espiritizmu, odi malu, istori malu, laran-moras ba malu, hirus toʼo la kontrola an, buka atu manan deʼit, haketak malu, forma grupu relijiaun oioin,(arte marciais), laran-moras ba ema seluk nia sasan, lanu-teen, festa arbiru, no buat sira seluk nebe hanesan neʼe,  haʼu fo avizu nanis ba imi kona-ba buat sira-neʼe, hanesan haʼu fo avizu ona ba imi, katak sira nebe halo beibeik buat sira-neʼe sei la simu Maromak nia ukun nuʼudar liman-rohan".

Espiritu nia hakarak:

Galasia 5:22-24

" Maibe hahalok sira neʼebé mai husi Maromak nia espiritu mak domin, ksolok, dame, pasiensia, laran-diʼak, hahalok diʼak, fiar, laran-maus no kontrola an. La iha ukun-fuan ida mak kontra buat sira-neʼe. Liutan neʼe, sira nebe Kristu Jesus nian, sira prega ona sira-nia isin ba cruz hamutuk ho hakarak no hanoin isin nian".

Oinsa atu moris foun?

Hakribi sala, fiar iha Biblia, simu Kristu Jesus nundar salvador,  moris obedese ba Maromak nia ukunfuan sanulu, ho nune deit mak ema bele tama Maromak nia reinu.

Ebreu 12:14 "Buka dame ho ema hotu, no hakaʼas an atu moris santu, tanba se ema ida la moris santu nia sei la haree Naʼi" .

Maromak haraik bensaun bai ta hotu.