BUIAT DIAK SAIDA MAK TENKE HALO BELE HETAN MORIS ROHAN LAEK?
BUIAT DIAK
SAIDA MAK TENKE HALO, HODI BELE HETAN MORIS ROHAN LAEK?
Konversa Joven Riku ida ho Jesus
Mat 19:16-26
Joven riku : “Mestre, buat diak saida mak hau tenke
halo, atu hetan moris rohan laek?”
Jesus : “Tamba sa o
husu kona ba saida mak diak? Maromak mesak deit mak diak. Maibe se o
hakarak hetan moris, o presisa halo tuir nafatin ukun fuan sira”.
Jovem Riku : “ Ukun fuan ida nebe?”
Jesus : “Imi labele
oho ema (ukun fuan 5), imi labele halo sala seksual ho ema nebe laos imi-nia
kaben (ukun fuan 6), imi labele naʼok (ukun fuan 7), imi labele fó sasin falsu
(ukun fuan 8) . Hatudu respeitu ba imi-nia inan-aman (ukun fuan 4), no imi tenke
hadomi imi- nia maluk hanesan imi-nia an rasik (ukun fuan 9-10).”
Jovem Riku : “Haʼu halo tuir ukun-fuan sira-neʼe
hotu, falta saida tan?”
Jesus : “Se o hakarak atu sai
perfeitu, ba faʼan o nia rikusoin sira no fo ba ema kiak, no o sei hetan
rikusoin iha lalehan, no mai tuir Haʼu.”
Explikasaun ba ukufuan hirak nebe Jesus temi:
1.
LABELE OHO EMA (ukun
fuan 5)
Labele oho
ema, labele oho a’an, labele halo abortus,
labele halo agresaun fisiku nebe
bele hakotu ema ida nia vida.
2.
LABELE HALO SALA FOER (ukun
fuan 6)
Labele halo relasaun sexual fora husi kazamentu
ka relasaun sexual ho ema nebe laos imi nia kaben /selingkuh, labele halo
relasaun homosexualitas entre mane ho mane, feto ho feto. Labele perkosa ema, labele hare
pornografia, labele halo masturbasaun, labele koalia liafuan foer
3.
LABELE NAOK (ukun fuan 7)
Labele na’ok
ema nia sasan, labele na’ok ema nia osan, labele korupsi, labele obriga atu hetan porsentu nebe boot iha
projetu ruma. Foti ema nia sasan fo fila nain. Keta usa ema nia sasan ka
sansan Governu ka sasan kantor laiha
autoridade. keta subar ema nia sasan
4. LABELE BOSOK (ukun fuan 8)
Labele bosok hodi fo sasin falsu hasoru maluk
ruma, labele bosok hodi han matak ema
seluk nia direitu, labele jura palsu. Labele bosok inan ho aman, husu osan halo
buat nebe laiha valor. Debe ema nia osan ka sasan ruma fo fila tuir
tempu.
5.
HATUDU
RESPEITU BA INAN HO AMAN (Ukun fuan 4)
Hatudu respeitu ba imi-nia inan-aman hodi la temi
nia isin lulik iha konversa sira. Keta koalia liafuan kroat hasoru inan-aman
sira, keta ulun to’os ba inan ho aman, keta obriga inan ho aman halo tuir imi
nia hakarak nebe laiha valor. Hatudo domin no haraik an ba sira. Nune mos ba
nain ulun sira nebe ukun estadu, tenki respeitu no obedese ba sira.
6.
HADOMI
MALUK SIRA HANESAN IMI AN RASIK (ukun fuan 9-10)
Respeitu maluk sira hodi labele estraga maluk seluk nia sasan, keta hakarak maluk seluk nia sasan, labele kan ema nia kaben. Keta tolok ema, keta hotar ema, keta gossip ema, keta bobar lia tun sae estraga ema nia dignidade, respeitu ema nia hakmatek hodi la halo barulhu iha kalan, keta tuda ema nia uma.
Moris iha mundo ne'e la ses husi sala. Ema hotu sempre halo sala. Kausa husi
ema la obedece ba Maromak nia ukun bandu tamba la konhese lialos. Ita la
konhece ona lialos fasil mundu dada ita ba sala. Kuando ema la konhece
lialos, moris do'ok ona husi Maromak.
Laiha tan regra ida atu kesi. Nune livremente kontra Maromak Nia ukun bandu no
livre monu ba hahalok isin nia hanesan temi iha Galatia 5:19-21.
Mesmu nune, Maromak bolu nafatin atensaun ho maneira oioin atu ema bele
nakfiala an, rekonhsese sala, arrepende, moris hadame malu ho Maromak. Ita nia Aman iha lalehan ne Aman domin nain. Nia lakohi nia oan ida lakon, hakarak deit
ema hotu moris diak iha mundo no final tama hamutuk iha Nia reinu lalehan.
“Se ita konfesa ita-nia sala, Maromak neʼebé laran- metin no iha hahalok lo'os, sei perdua ita-nia sala no hamoos ita husi hahalok a’at hotu”.
1
João 1:9.
Jesus fo bensa.
Komentar
Posting Komentar