DOMIN MAROMAK BA ITA EMA
Joao 3:16-21
16 “Maromak hadomi tebes mundu toʼo fo Nia Oan-Mane mesak,
atu nune ema hotu nebe hatudu fiar ba Nia, sei la lakon, maibe hetan moris rohan-laek.
17 Tanba Maromak haruka Nia Oan mai iha mundu,
laos atu tesi-lia ba mundu neʼe, maibe atu mundu bele hetan salvasaun liuhusi Nia.
18 Nia sei la tesi-lia ba ema nebe hatudu fiar ba Nia.
No ema nebe la hatudu fiar hetan ona tesi-lia, tanba nia la hatudu fiar ba Maromak Nia Oan- Mane mesak Nia naran.
19 Ema hetan tesi-lia tan razaun tuirmai neʼe: Tanba naroman neʼe mai ona iha mundu,
maibé ema hadomi deit nakukun duke naroman, tanba sira-nia hahalok mak aat.
20 Ema nebe halo aat odi naroman neʼe no la tama ba naroman, atu nune naroman labele hatudu sai ninia hahalok aat.
21 Maibé ema nebe halo buat loos, nia tama ba naroman,
atu nune ninia hahalok bele hatudu sai nudar hahalok nebe tuir Maromak Nia hakarak
PROCESSU SIRA JESUS HALA'O DURANTE IHA MUNDU
1. Nia husik Nia trono liurai nia iha Lalehan tun mai mundu moris iha Bibi-luhan liu husi Inan Virgen Maria hodi hanorin ita katak; moris presisa haraik a'an, moris simplesidade. Posisaun diak, riku soin mundu nia la folin buat ida.
2. Nia mai atu servi, atu kura ema moras, atu liberta ema husi sala, kore ema husi kesi diabu nia, no mos haklaken Maromak Nia reinu.
3. Nia terus to,o mate iha kruz hodi kasu ita sala, salva ita husi mate nia ukun. Liu husi Nia kanek sira ita hetan kura.
4. Moris hias, sae ba lalehan atu kompleta profesia husi profeta sira, atu haruka Esperitu Santu tun mai Mundo no mos atu prepara fatin mai ita.
Komentar
Posting Komentar